فاقدنك

بنسأل يومى عن حالك
كيف أصبحت كيف قيلت
كيف امسيت وكيفنك
خطاباتى الكتبتها ليك
عليك الريده هل جَنك
ولو جنك شعورك ايه
لسه نحنا واحشنك؟؟
تصدق ياشريك الروح
كتير والله فاقدنك
بنسأل اى زول شفناهو
بنسأل كل زول عنك
حتى الليل نجوموا كمان
يوم قالولنا شايفنك!!
وقالو عليك جميل مياس
دا نجم الليل بغير منك
وكيف لو شاف جمال طيِبتِك
سماحتك ورِقتِك حِنِك
سفرنا الطال وهدّ الحيل
شقاوة وهم بعيد عنك
ياخ والله مشتاقين
وجد والله فاقدنك