الشامل المحترف

ﺑﻨﺴﺄﻝ ﻳﻮﻣﻰ ﻋﻦ ﺣﺎﻟﻚ
ﻛﻴﻒ ﺃﺻﺒﺤﺖ ﻛﻴﻒ ﻗﻴﻠﺖ
ﻛﻴﻒ ﺍﻣﺴﻴﺖ ﻭﻛﻴﻔﻨﻚ
ﺧﻄﺎﺑﺎﺗﻰ ﺍﻟﻜﺘﺒﺘﻬﺎ ﻟﻴﻚ
ﻋﻠﻴﻚ ﺍﻟﺮﻳﺪﻩ ﻫﻞ ﺟَﻨﻚ
ﻭﻟﻮ ﺟﻨﻚ ﺷﻌﻮﺭﻙ ﺍﻳﻪ
ﻟﺴﻪ ﻧﺤﻨﺎ ﻭﺍﺣﺸﻨﻚ؟؟
ﺗﺼﺪﻕ ﻳﺎﺷﺮﻳﻚ ﺍﻟﺮﻭﺡ
ﻛﺘﻴﺮ ﻭﺍﻟﻠﻪ ﻓﺎﻗﺪﻧﻚ
ﺑﻨﺴﺄﻝ ﺍﻯ ﺯﻭﻝ ﺷﻔﻨﺎﻫﻮ
ﺑﻨﺴﺄﻝ ﻛﻞ ﺯﻭﻝ ﻋﻨﻚ
ﺣﺘﻰ ﺍﻟﻠﻴﻞ ﻧﺠﻮﻣﻮﺍ ﻛﻤﺎﻥ
ﻳﻮﻡ ﻗﺎﻟﻮﻟﻨﺎ ﺷﺎﻳﻔﻨﻚ !!
ﻭﻗﺎﻟﻮ ﻋﻠﻴﻚ ﺟﻤﻴﻞ ﻣﻴﺎﺱ
ﺩﺍ ﻧﺠﻢ ﺍﻟﻠﻴﻞ ﺑﻐﻴﺮ ﻣﻨﻚ
ﻭﻛﻴﻒ ﻟﻮ ﺷﺎﻑ ﺟﻤﺎﻝ ﻃﻴِﺒﺘِﻚ
ﺳﻤﺎﺣﺘﻚ ﻭﺭِﻗﺘِﻚ ﺣِﻨِﻚ
ﺳﻔﺮﻧﺎ ﺍﻟﻄﺎﻝ ﻭﻫﺪّ ﺍﻟﺤﻴﻞ
ﺷﻘﺎﻭﺓ ﻭﻫﻢ ﺑﻌﻴﺪ ﻋﻨﻚ
الا عزانا فى بعدك
منسيناك و حافظنك
غرامنا فى جبينا هلال
و جوه قلوبنا شايلنك
و باكر تانى ليك بنعود
اكيد يا غالى جاينك
سنابل عشقنا الزابلات
بى الافراح يقالدنك
بعود ليهن اخضرار تانى
لانو عيونا شافنك
فهل تعلم حبيبى انا
كتير نجماتى غننك
غيابى عليك لو طولت
رجاء لا تسئ ظنك
ﻳﺎﺥ ﻭﺍﻟﻠﻪ ﻣﺸﺘﺎﻗﻴﻦ
ﻭﺟﺪ ﻭﺍﻟﻠﻪ ﻓﺎﻗﺪﻧﻚ