::في السلك ||بابكر سلك :: الليلة عيد ميلاد فرحنا!!

::في السلك ||بابكر سلك ::
الليلة عيد ميلاد فرحنا!!

نصر من خارج الديار يشبهنا 
شكراً مجلس إدارتنا الذي عالج الإشكالية في وقت مناسب وأتى بالمعلم غرزة 
وهنا مربوحة بإذن الله لأن اولاد المعلم غرزة يدركون جيداً قيمة الدعم المعنوي الكبير الذي يعده الشفوت بالقلعة الحمراء

أيها الناس
بدأ دور الجماهير
فكونا من صراع مركزية وتنسيقية ومسميات تشجيعية
الوقت للعمل
يجب أن يعمل الجميع لأجل الكيان الكبير
نهدئ اللعب لنشغل المدرجات قمحا ووعدا وتمنى
لندير معركة النصر الأولى
انها الخطوة الأولى في طريق المطار
ومن غيرنا يعرف للمطار طريقاً
من غيرنا اعطي لهذا الشعب معنى أن يعيش وينتصر
انها إنجازات حققناها جعلت أحلام غيرنا جذا من ماضينا
غيرنا لسه بحلم بإنجازات حققناها في ستة وتمنين وسبعة وتمنين وتسعة وتمنين والفين واربعطاشر
اي جذء من تلك الإنجازات يمثل قمة الحلم اليوم لغيرنا
بمناسبة غيرنا دي
نبارك للأخوة الأهلة عيد ميلادهم اليوم
طلطاشر فبراير سنة تلتين وُلد الهلال
وأظن أن نحسهم في تلطاشر دي فارقم من دواعي الشؤم
وينبي باستمرار الصفر الدولي طويلاً
الليلة الهلال أكمل سبعة وتمانين سنة بالتمام والكمال والكسكته والعقال ولسة يحافظ على صفر مميز
مازال الصفر طفلاً يحبو
ناس الليلة عمرهم سبعة وتمنين سنة ويبحثون عن إنجاز حققناهو في سبعة وتمانين
فطومة جيبي استيكة امسحي التاريخ
أيها الناس نصر الأمس خطوة تبعدنا عن الحتانة
الحتانة السنة دي كسكتات
هذا العمود من قروب عشاق المريخ من أجل المريخ.. وعلى ذكر الحتانة
الاهلي الليبي أمس غالب 1:3 بتذكر الاهلي الليبي يامحمد عبدالماجد؟
الاهلي الليبي ياراااااجل
الاهلي الليبي الخلاكم تزرعو قبال الخريف وتشطبو المحترفين قبل فتح باب الشطب بي 3 شهور في سابقة فريدة من نوعها لاتبدر الا من صفر كبير
أيها الناس
جهجه عاشتها جماهير المريخ أمس بسبب عدم نقل اللقاء
رابطنا بالنادي نستلهم النصر من عيون بعضنا البعض
وفينا ناس اعصابهم باظت
بقو قاعدين ذي الزول العندو زول في الإنعاش وماعارفين حالتو كيفنها
لو زول ضحك النادي كلو يسألو قون؟
الجابو منو؟
ولو زول قال ياساتر
النادي كلو يسألو
جابو فينا قون؟
انا شخصياً خاتي قدامي جبنه
شربت عصير الزول الجمبي والزول الجمبي شرب المقلب والقهوة مشت وين ماعرفناها
وكان الجو ملائما للشائعات عبر الشبكة العنكبوتية
زنطورابي كتب قوووووووووووون للفريق الغيني
زنطورابي تاني كتب الجابو منو؟
الزنطورابي الأول كتب الجابو محمد حسين
الله يسالكم لاقاكم غيني اسمو محمد حسين؟؟
جنس زنطرة
جنس صفررة
جنس حسادة
جنس سبعة وتمنين سنة احلامكم جذء من ماضينا
أيها الناس
سمعنا بمعاملة أهل غينيا لينا
لازم يعرفو حاجة
من المطار للشقيلاب حتى العودة بشارع الهوى ومن سوبا للسوق العربي
التمرين في استاد الموردة
زيارة ناس جامعة أفريقيا للبعثة ممنوعة منعاً باتاً
النور يقطع في الفندق وياريت لو فنادقنا كلهم قالو مافي حجز
عشان يبيتو في الميناء البري
البادي أظلم
محمد عبدالماجد
قول كلتشي عشان تفقد سوائل
أيها الناس
أن تنصروا الله ينصركم
اها
نجي لي شمارات والي الخرتوم
عاد دة يوم شمار يا والينا
سللللك
ننساك كيف والكلب مبسوط يهز في ضنبو سااااي... تحيا الوطنية
وإلى لقاء.