الشامل المحترف

الجديد ياحلوة كل الكون عرف
همساتي فوق القيف زمان سِر قُلتو للنيل والجرف
تاري النسيم الشالا فات غناها قالا حرف حرف
والعاشقين آهات غُناي سووُها لي ريدهم نشيد

الجديد غنواتي شوقا ولانِضب
ايقاعا كان نِقير خطاك بالجية في بال الدرب
جيتكـ رِجيتا ملان يقين احساسي تالاك ماضِهب
دهشة حِضورك في دِماي ياغايبة يوماتي بتزيد

الجديد بيكي القلب هشا وفِرح
ماهمو تاني بعد لقاك الزكرى تنتُر لي جرح
بقدر اوصف شوقو ليك لو كل نبضة بتتشرح
لكن عزاي انك جواي واحساسي عنك مابعيد

الجديد لسه سَمِير عيني النجم
في الفيها لانام لانساك زي عادتو قلبي بيتهجم
كل ما اشرقت عينيك حضور يبقالي في الصحيان حلم
وهدبني بين نومي ووعاي بين جِني والعقل الرشيد

الجديد انا تاني ماداير اظن
ماعندي لي عينيكـ ملام مهما علي تقسى وتضِن
غنيت مليت الكون سماح لاتُهتا لا مسَاني جِن
ودعت في دنياك شقاي ومرقت مولودآ جديد

فرحة ملاقاتكـ اكيد ياهو الجديد
كونك معاي ياسِت هواي اخر خبر واخر جديد..