الشامل المحترف

ماكنت قايل الشوق عذاب ماكنت قايل الريد ده شوق
ماكنت فاكر الدنيا عاد محصورة بين جِفن العشوق

لكن بعد سفــر السنين والرحلة بين أشقى وأتوق
وعرِفت جبل الشُــوق ألم والريدة في أعلاهو فوق

تلقاني في الليل البهيم دايما افتش للشروق
ومن ما أشوف نور الصباح أرجع أكوس الليل أروق
ماقالو غير حِن ريدة عاد النار تضوي تشِع بروق
شِن شُفتا يالهــب الغرام فيكـ من زمان غير الحروق

ليل النهار ساكت الهموم في رأسي عاد تسكُت تسوق
ما حـانـة لي ريدي الندي ومافاكرة لي قلـبي الشفوق
قلـبي الحزين أنجب هواكـ كيف من هواكـ المُر أضوق
يمكن غـرامـكـ ماعِرف وريهو إيه يعني العِقــوق

في سكة الصفاء والوئام حجر الظنون لي بيعود
والشكـ يتور في هواي من سِجنو غالبني المِروق
فاضلي إيه انا غير أجِن والليل يجن وللجن أفُوق
إتهادى في أرض الضيــاع وأزرع لي من أحزاني روق